http://abante-tonite.com/issue/feb1510/news_7.htm
Hindi ang dating kapartidong si Ex-Defense Secretary Gilberto ‘Gibo’ Teodoro Jr., kundi ang utol ni Kris Aquino na si Sen. Benigno ‘Noynoy’ Aquino III ang handang samahan at ikampanya ni senatorial bet Vicente ‘Tito’ Sotto III sa kanyang pag-iikot.
Ayon kay Sotto, nag-iisang senatorial bet ng Nationalist People’s Coalition (NPC), malaking factor sa kanyang desisyon ang nakababatang kapatid ni Aquino.
Bagama’t tatlo ang pinagpipiliang presidentiables, sina Aquino, Nacionalista Party (NP) bet Sen. Manuel ‘Manny’ Villar Jr. at Bangong Pilipinas bet brother Eddie Villanueva, nilinaw ni Sotto na mahirap tanggihan si Kris.
Kahit running mate ni Sen. Loren Legarda na kanyang kapartido sa NPC si Villar, hindi magdadalawang-isip si Sotto na dalhin si Aquino kapag kinausap ni Kris ito.
“Dapat ako ang ligawan nila. Pero kapag niyaya ako ni Kris, ‘di ako makakatanggi,” ani Sotto, kilalang kaibigang matalik ni dating Senadora Tessie Aquino-Oreta na kapartido sa NPC.
Bagama’t kumpleto na ang 12-man senatorial line-up ng Liberal Party (LP), hindi pa rin maialis ang posibilidad na paatrasin ang mahinang kandidato at ampunin ang ilang independent senatorial bets, katulad ni Sotto.
No comments:
Post a Comment